رواية حماتي وكيس اللحمه

رواية حماتي وكيس اللحمهحماتي وكيس اللحمه بقلم هويدا زعلول

مريم  شوفتي يا ماما نسينا كيس

لحمه برا اهو باظ عجبك ده مش خساره نرمي

الام _ ومين قالك أن هرمي حطي في المطبخ وانا هغسله غسلا حلوه وهودي لحمات اخوكي

يلا اهي تاخدو شكلها عين بنتها

وقبل ما نبدا الحكايه اعرفكم بنفسي

أنا رحاب متجوزه وفي يوم الوافقه كنت

قاعده في الصاله ودخل جوزي يحيي

وقال

يحيي _ مساء الخير مالك يا رحاب

قاعده كده ليه ينفع يعني تكوني وافقه

طول النهار بتعملي الفطار واجي اسال

عليكي وقت الفطار القيكي طلعتي، وانا قومت وقفت وقولت

رحاب _ معلش يا يحيى انا عايزه اقول لك على حاجه انت جيت وانت عارف ان انا اهدي بس مينفعش كل شويه ابقى تريقه ووسط اخواتك البنات ومرتات اخواتك

يحي _ ثاني وما فيش فايده فيهم مع اني والله كذا مره اتكلمت بس ده يخليكي تسيبي الفطار وتطلعي انتي صايمه حبيبتي علشان واقفه عرفه ده غير كده انك تعبانه في الشقه طول اليوم ونزلتي عملت الفطار لماما

رحاب _ بجد انا مكسوفه جدا في وسط اهلك علشان ماما مجابتش ليه الحاجات الاهلي وجابتها ليهم بس والله الظروف ماما صعبه

يحيي _ ولا تزعلي نفسك يا حبيبتي هو انا بيتي ناقص حاجه علشان خاطر حماتي تجيبلي متزعليش مني هما جعانين علشان كده بيفكروا في الاكل والشرب وبس انما انا عيني مليانه بيكي انك زوجه محترمه وقصيره

رحاب _ ربنا يجبر بخاطرك يا حبيبي زي ما انت على طول جابر بخاطري كده

يحيي _ المهم بالله عليكي خشي اعملي اي حاجه وكلي انا عارف واكيد ما اكلتيش

لحد دلوقتي

رحاب _ حاضر يا حبيبي انا عارفه ان انت مش بتعرف تاكل وسط الناس طيب

اقعد افطر معايا

يحيي _ معلش واحد صاحبي يكلمني ولازم يشوفني دلوقتي هروح اشوفه وهيرجعلك على طول، وبعدها نزل ولقيت الباب بيخبط

فتحت وكانت فوقيه سلفتي الكبيره

رحاب _ ايه ده فوقيه تعالي اتفضلي واقفه على الباب ليه

فوقيه _شكرا يا حبيبتي تليفونك مقفول ليه حماتك عماله تتصل بيكي بيديها مقفول انزلي عشان امك تحت

وانا قولت ب صوت واطي

رحاب _ ايه بس يا ماما اللي جابك النهارده وانا ناقصه تريقه منهم حاضر يا حبيبتي الحمد لله دلوقتي، وبعدها نزلت ولقيت شنط جمب

ماما

الحما _ ايه يا حبيبتي الحاجات دي كلها هو حد قالك ان بيت ابني ناقصه

حاجه علشان تجيبي وبعدين هو انتي جبتيهم منين احنا عارفين البير وغطا

الحما _ علشان خاطر بنتي لو هضحي بحاجه عشان اجيبلها ربنا يخليها ليا، وانا قربت

من ماما وقولت ليها

رحاب _كل سنه وانتي طيبه يا ماما ويعود عليكي الايام بخير يا رب بس هو انتي ايه الحاجات الكثيره اللي انت اكلتيها دي يا حبيبتي

الام _ حبيبتي كل سنه وانت طيبه واشوفك دايما فرحانه ومبسوطه اهي هديه من ضمن الهدايا اللي كان جوزك بيجبهم ايام

الخطوبه

تعرفي صحيح يا ام يحيي اسالي ابنك كده ايام ما كان بيجيلي هو خطبك بنتك وتقوله اي فلوس هتجيب بيها هديه وفرها يا حبيبي لشقتك علشان كده خد بنتي علشان شايف ان عين اهلها مليانه

ام يحيي _ اه يا حبيبتي طيب شرفتي ونورتي انا هقوم ادخل المطبخ البيت بيتك علشان بكره باذن الله ناويين الاضحيه تكون بدري انشاء الله

الام _ تعيشي وتعملي يا حبيبتي انا اقعد مع بنتي شويه واخد بعضي وامشي وبعدها

دخلت المطبخ وقولت

رحاب _ايه يا ماما الحاجات الكثيره اللي انتي جايباها دي حبيبتي انا عارفه ظروفك عامله ازاي والله مش محتاجه حاجه

الام _ هو انا عندي غيرك يا رحاب ربنا يخليكي يا حبيبتي لو ما كنتش هجيبلك انتي

هجيب لمين وفي الوقت ده دخل يحيي وقال

يحيي _ يا خبر ابيض وانا برده بقول البيت منور ليه حماتي عندنا ازيك يا حبيبتي عامله ايه

الام _ بخير والله يا عامل ايه يا حبيبي واخبارك ايه

يحيي _ ينفع اللي انتي بتعمليه ده يعني انا اخر مره اشوفك كانت العيد الصغير احنا بنشوفك في الاعياد بس ولا ايه يا حبيبتي البيت بيتك تيجي تشوفينا وتنورينا في اي وقت

الام _حبيبي طول عمرك كريم ربنا يخليك ليا ما تقومي تجيبيلي اشرب ي رحاب

رحاب قامت وقفت وقالت _ من عيني ماما هجيبلك كوبايه عصير كمان

اعملك حاجه يا يحيى

يحيي _ ربنا يخليك يا حبيبتي مش قادر اشرب حاجه وبعدها دخلت المطبخ وماما قالت

الام _ والله يا يحيى انا مش عارفه اشكرك ازاي على اللي انت عملته ده رافع راسي وراس بنتي بجد انا مكسوفه منك بسبب الموضوع اللي حصل ده

يحيي _ وطي صوتك بس يا حماتي مش عايز حد يعرف ان انا جيتلك البيت وقولتلك تيجي وتعمل كده وبعدين هو انا مش ابنك برده

الام _ ابني وحبيبي والله ده انا لو عندي ولد مش هيعمل اللي انت بتعمله ده

يحيي _ بس بالله عليك مش عايز رحاب حتى تعرف ان جيت البيت وديتك فلوس وقولتلك تيجي وتجيبيلها حاجات معاكي

الام _ لا طبعا يا حبيبي مقلتش حاجه

وبعدها خرجت من المطبخ وقولت

رحاب _ اتفضلي يا ماما جبتلك عصير يا حبيبتي اهو جبتلك ميه كمان

الام _ لا يا حبيبتي انا هشرب شويه ميه وامشي على طول ورايا لسه حاجات في الشقه عايزه اعملها يلا كل سنه وانتم طيبين يا اولاد

وبعدها مشيت وانا قولت

رحاب _ ما تعرفش يا يحيى انا فرحانه ازاي والله باللي ماما عملته ده رفعت راسي وسط اهلك

يحيي _علشان تعرفي ان انت دايما في دماغ مامتك يلا بينا بقى نطلع شقتنا ولا ايه

رحاب _ تمام يا حبيبي هدخل بس الحاجه لمامتك

لأن احنا كده كده هنقضي العيد في الشقه

دي

وبعدها طلعنا وكانت حماتي عامله تاكل

في الحاجه ودخلت فوقيه وقالت

فوقيه _ كلي كلي يا حماتي ما هو كله من خير ابنك وعرقه وشقاه

الحما _ ابني مين يا اختي دي الحاجه اللي جايباها ام المعدوله اللي فوق بس جايبه حاجات حلوه

مش هكدب

فوقيه _ هههههي هي مين دي اللي جايبه يا حماتي ده ابنك اللي جايب كل حاجه

الحما _ايه يا بنت الكلام اللي انتي بتقوليه ده انا مش فاهمه حاجه

فوقيه _ انا كنت نازله من شقتي وسمعت ام سماح وهي بتقول لابنك شكرا على الفلوس اللي انت جيت اديتهالي

وخلتني جبت بيها حاجات

الحما _يا ولاد الايه وانا برده بقول من امتى

فوقيه _علشان تعرفي يا حماتي البنت سماح دي مش سهله ولا هي ولا امها

الحما _ والله لاطلعه على عينيها كل اللي هي بتعمله ده فهي واخده فلوس ابني وعامله نفسها هي اللي جايبه الحاجه

فوقيه _ بقولك ايه يا حماتي انا كل ما باجي اقولك على حاجه بتروحي تكلمي يحيى وهو بيشتكي لمحسن جوزي والنبي ولكنك سمعتي حاجه اتصرفي من بره بره

الحما _ عيب عليكي يا بنت انا مش هقول حاجه بس انا هعرف اجيب فلوس ابني دي ازاي

وفي الوقت ده دخلت سعاد وقالت

سعاد _مساء الخير يا حماتي محسن وابراهيم جوزي وابين بره وعايزينك في موضوع مهم

الحما _ ماشي خارجه ليهم اهم واحده فيكم تطلع تنادي يحيى ما بنتفقش على حاجه لما اولادي ثلاثه يكونوا قاعدين

فوقيه _ اخرجي انتي بس يا حماتي وانا هطلع نادي ليه، وبعدها خرجت وكانت سعاد

عامله تبص فوقيه جامد

فوقيه _ مالك يا سعاد واقفه تبصيلي كده ليه لو شكلي عاجبك يا اختي قوليلي

وديكي صوره عندي كتير فوق يا حبيبتي

سعاد _ هو انت ليه عملتي كده ما انت كمان ظروف اهلك كانت ضيقه وكنتي انتي

بتجيبي الحاجات وتقولي لحماتك ان امك اللي جايباها

فوقيه _ بس يا بنت وطي صوتك لحد يسمعك وبعدين انتي مالك اصلا بالموضوع ده وانا كنت كلمت حماتي عنك في حاجه

سعاد _ طلعي رحاب من دماغك يا فوقيه رحاب كويسه وحرام عليكي مش ذنبها

ان ظروفها ضيقه

فوقيه _ مش نازله ليا من زور يعني عشان هي بيضاء وحلوه شويه

سعاد _ البنت عمرها ما اتعالت علينا وبتستنى مننا الكلمه الحلوه ودائما يا عيني وشها في الارض من اللي احنا بنقوله ليها

فوقيه _ خليكي في حالك يا سعاد وملكيش دعوه بالحوار ده حبيبتي احنا داخلين على عيد بلاش تنكدي علينا اصل انت عارفاني لما احط حد في دماغي ما بسكتش الا لما باخد حقي منه ثالث ومثلث

سعاد _ ربنا يهديكي يا حبيبتي على نفسك على اللي انتي بتعمليه ده

وبعدها نزل يحيي وطلعت عندي سعاد

رحاب _ سعاد تعالي يا حبيبتي اتفضلي مالك واقفه على الباب ليه كده

سعاد _ عايزاكي تخلي بالك شويه من فوقيه عشان حطاكي في دماغها عرفت ان مامتك واخده فلوس من يحيى عشان تجيب لك الحاجات اللي هي جايباها دي

رحاب _ الكلام الفارغ اللي انتي بتقوليه ده انا لا يمكن ماما تعمل الكلام ده طبعا انا عارفه ماما كويس قوي لو معاها فلوس هجيب الحاجه مش معايا عمرها ما هتاخد حاجه من حد

سعاد _ والله انا متضايقه من اللي بيحصل معاكي ده وبجد مش طالعه عشان اضايقك بالكلام ده الكلام ده حقيقي وحماتك عرفت بيه

رحاب _ طيب ارجوكي انا عايزه اقعد مع نفسي شويه مش قادره اتكلم مع حد والله

سعاد _ بجد انا بس عرفتك الكلام ده عشان تخلي بالك من اي حاجه بتحصل لو اتكلمتي في التليفون بلاش تتكلمي عند حماتك علشان هم بيبقوا مراقبينك وبعدها نزلت

وانا اقعد ولقيت يحيي طلع وقالي

يحيي _ ايه يا حبيبتي ما نزلتيش تشوفي العجل ليه موجود في مدخل البيت وقولت انك هتنزلي تشوفيه اي ده مالك ايه اللي حصل تاني

رحاب _ يحيى هو انت روحت لماما واديتها فلوس علشان خاطر تجيب بزياره

وتيجي قدام مامتك

يحيي _ الكلام الفارغ اللي انتي بتقوليه ده لا طبعا محصلش وانا هعمل كده ليه

رحاب _ فوقيه سمعتك وانت بتكلم ماما وبتقول لها كده وراحت قالت لمامتك

والبيت كله عرف

يحيي _ ايه يا حبيبتي الكلام الفارغ ده يعني انا لو عملت كده هكلم مامتك واقولها الكلام ده هنا ليه زياده التاكيد يعني شيلي من دماغك الكلام الفارغ ده فوقيه بتغير منك

رحاب _ بجد مش عارفه هما ليه بيعملوا معايا كده مع انهم ما شافوش مني حاجه وحشه يعني

يحيي _ بصراحه اليوم حقي اعمله اكتر من كده اجمل واحده فيهم الوحيد المتعلمه فيهم لازم طبعا يغيروا منكم المهم بقى احنا في عيد مش عايزين نكد الله يخليكي

رحاب _ كل سنه وانت طيب يا حبيبي ويعود عليك الايام بخير يا رب، وتاني يوم كنا

وافقين كلنا انا وسلايفي الاتنين ومريم

وابتسام اخوات يحيي وحماتي قالت

حماتي _ ابتسام ومريم هيقعدوا هيعبوا اللحمه في اكياس وفوقيه وسعاد هيوزنهم

رحاب _ طيب وانا يا ماما هعمل ايه

الحما _ وانت حبيبتي كنت معانا قبل كده في لحمه ولا كنت مع حد اصلا بيضحي فاكيد ما عندكيش خلفيه عن الحوار ده اقعدي في الحمام نديكي الكرشه والحاجات دي ننظفيها

ولقيت ابتسام ومريم وفوقيه فضلوا يضحكوا

وفوقيه قالت

فوقيه _ هي كل اللي عندها خلفيه فيه يا حماتي انها كانت بتقعد يعيني في الشارع وتستنى اي حد معدي علشان يديها كيس لحمه وبعدها

حصل

وفي الوقت ده سعاد قالت

سعاد _ هو انت ناسيه يا فوقيه ايام ما كنت بتيجي تقعدي قدام البيت عندنا لحد بابا ما كان بيضحي علشان تاخدي اللحمه منه

فوقيه _الكلام اللي بتقوليه ده انا مش فاكره حاجه زي كده خالص

الحما _ والله بقى نسيب اللي احنا بنعمله ده ونعمل شاي ونقعد نتساير في الحوارات اللي انتم عاملين تتكلموا فيها دي ما يلا كل واحده تشوف شغلها وبعدها دخلت المطبخ ودخلت

سعاد

سعاد _ انا هساعدك في الحاجات دي انا عارفه ان تنظيفها صعب وانا بحب انظفها

رحاب _ بجد يا سعاد انا مش عارفه اشكرك ازاي على اللي انتي بتعمليه معايا ده

سعاد _ ابقي تعالي دفي عني بعدين اصل حماتك اكيد مش هتسكتلي على اللي انا قولته ده بس كبري دماغك يا ستي

اللي يحصل يحصل وبعدها خلصنا

ودخل يحيي وإبراهيم

يحيي _ خلاص يا ماما خلصنا وزعنا الحاجه المفروض تتوزع كده فاضل بس الاهل والاقارب

شوفي انتي بقي هتعملي اي

الام _بصراحه كلنا تعبنا مش قادرين نعمل حاجه تاني شيلوا اللحمه دي في الديب فريزر والفريزر لحد بكره ونشوف نوزع

يحيي _ طيب ماما هاتي الكيس اللحمه بتاع حماتي احنا كده كده رايحين نعيد عليها ناخده ليها بالمره

الام _ يا خبر ابيض تصدقي ان انا نسيت اعمل حسابها عشان انت عارف ان انت جديده علينا نديها

رحاب _ ملوش لازمه الكلام ده يحيى خلاص ماما كده كده مش بتحب اللحمه كتير

ابتسام _ دي علشان مكانتش بتقدر تشتريها مش كده

رحاب _ احنا طالعه البس علشان اروح اعيد على ماما وبعدها طلعت

يحيي _ايه طريقه الكلام اللي انتم بتتكلموا بيها دي على فكره دي سخافه جدا اللي انتم بتعملوه ده وانتي يا ماما راضيه على الكلام ده

الام _ في ايه يا حبيب امك اخواتك وبيهزروا معاها هي اللي نكديه

يحيي _ انا طالع البس يا ماما وبعدها طلع

مريم _ على فكره يا فوقيه انتي وابتسام قلالات الذوق جدا

ابتسام _ يعني هو احنا قلنا حاجه غلط ما طول عمرها شحاته والناس كلها عارفه

الام _ خلاص خلصنا بقى خدوا اللحمه وشيلوها وشوفوا بس هتعملوا لنا ايه يلا كده مع فته

وبعدها يحيي طلع

رحاب _ طلقني يا يحيى لو سمحت

يحيي _ اخص عليكي بعد الحب اللي كان بيني وبينك ده بتقولي طلقني وانتس تقدري تعيشي من غيري

رحاب _ بصراحه لا انا بحبك جدا بس كمان كرامتي عندي اغلى من اي حاجه

يحيي _ اوعدك بعد العيد هنشوف شقه بره ليه انا وانت ونعيش فيها ونبعد عن البيت هنا خالص وهنيجي ليهم الزيارات وبس

رحاب _ انا مش عايزه ابعدك عن اهلك والله بس بجد طريقتهم معايا وحشه قوي

يحيي _ حبيبتي ما فيش بعد ولا حاجه المهم يلا البسي علشان خاطر الحق انزل اشوف حد اجيب من عنده لحمه لمامتك وبالله عليكي لو بتحبني

بلاش تقولي ليها ان شرينها

رحاب _ حاضر يا حبيبي هعملك اللي انت عايزه

وبعدها روحنا لماما

يحيي _ الله يا حماتي ريحه الاكل جايه لحد بره بجد تسلم ايدك

الام _حبيب قلبي لو مكنتش هعملك انت هعمل لمين الاكل خلاص خلص دقيقه واحده اجيبه من المطبخ واجي

رحاب _ لا والله كفايه عليكي كده يا ست الكل كفايه ان انتي وقفتي في المطبخ وعملتي اقعدي انتي مع يحيى وانا هجيب الاكل وبعدها

دخلت

الام _ كويس انها دخلت خد يا حبيبي الفلوس دي حقي ما جيت اديتهالي امبارح بجد ما تعرفش انا كنت مكسوفه من نفسي ازاي وانا بقول لبنتي ان انا اللي جاي

يحيي _بلاش تعملي فرق بين ارجوك متتكلميش في الحوار ده تاني الحوار ده خلاص

الام _ والله يا يحيى ما تعرف معزتك بتزيد كل يوم في قلبي ازاي

يحيي _ ربنا يخليكي يا ست الكل

وفي شقه ام فوقيه راحت ليها بنتها

الام _ ايه يا بنت اتاخرتي ليه كده ده انا لحد دلوقتي معملتش الاكل لاخواتك مستنيه اللحمه اللي هتجيبيها

فوقيه _ خدي ياما نقيتلك احسن لحمه وجبتها لك اي ده امال اخويا عماد فين

الام _ هو في ايه انتي من امبارح عمال تسالي على عماد ليه

فوقيه _بقى انا أقابله واديله فلوس واقوله هاتلي حاجات وتعالي اتباها

بيك قدام حماتي أن أنت اللي جايبها ابنك يطمع في الفلوس وما يجيش

الام _ احسن تستاهلي حد يأتمن عماد على حاجه ما انتي عارفه ان كل قرش بيقع في ايده بيروح يدي لل السنيوره اللي خاطبها

فوقيه _اسكت يا ماما لما اقولك عملت ايه في البنت اللي اسمها رحاب وحكت ليها

علي كل حاجه

الام _ اخص عليكي يا فوقيه ليه عملت كده يا بنتي ما احنا كمان ظروفنا وحشه وانتي بتعملي معانا النفس اللي هي عملته مع امها

فوقيه _طول عمري بكرهها ومش بحبها ما اعرفش ليه

الام _ كل حاجه بتتراضي يا فوقيه بلاش اسلوبك اللي انتي بتعملي بيه ده

فوقيه _ بقولك ايه يلا قومي اعملي لنا الاكل خلينا ناكل وبعدها الكل روح البيت

الحما _والله حلوه قوي كل واحده بتروح عند معه اول يوم العيد واحنا مش مهم ناكل ولا مناكلش

يحيي _ يا خبر ابيض يا ماما فين الاكل بس واحنا هنقعد ناكل دلوقتي معاكي

الحما _ ليه يا واد هي حماتك معملتلكش اكل مش المفروض ترحب بيك كده

يحيي _ ابدا والله يا ماما دي كانت عامله اكل كتير جدا ماتيجوا كنا نقعد في الاوضه اللي جوه عشان فيها تكييف

الحما _ وانت هتاكلي معانا يا سنيوره ولا اكلتي عند امك بكفايه

رحاب _ معلش يا ماما مش قادره اكل حاجه خالص انا هطلع انام شويه علشان حاسه ان جسمي وجعني وبعدها طلعت

ويحيي بليل طلع

يحيي _ مش كنتي قعدتي اكلتي معانا يا حبيبتي انا برده اكلت مع مامتك وشبعان جدا برده اكلت مع ماما هنا

رحاب _ اصلا انا مش فارقه مع مامتك يعني مزعلتش ان انا عملت كده بجد كنت محتاجه انام

وتاني يوم راحت مريم

المطبخ ولقت جمب التلاجه كيس لحمه

وبعدها خرجت لامها وقالت

مريم _ شوفتي يا ماما نسينا كيس

لحمه برا اهو باظ عجبك ده مش خساره نرمي

الام _ ومين قالك أن هرمي حطي في المطبخ وانا هغسله غسلا حلوه وهودي لحمات اخوكي

يلا اهي تاخدو شكلها عين بنتها

مريم _ توديه فين بس يا ماما ده ريحته مش حلوه خالص ما ينفعش

الام _ وانت مالك انت قولتلك حطي في المطبخ وانا قايمه اتصرف فيه وبعدها حماتي

قامت غسلته جامد وغلتها كام مره

وبعدين عملتها ب البصل واللحمه وراحت

لماما

ماما _ معقول جايه تشوفيني بنفسك يا ام يحيى مش قادره اصدق والله تعالي يا حبيبتي ده

انتي منوره البيت

الحما _ كنت هبعتلك كيس اللحمه مع رحاب امبارح بس قولت لا لازم اجيلك بنفسي وقولت بقى انا عارفه ان انتي كبيره زي كده ما بتقدريش تقفي في المطبخ كثير خليت البنت تعملهالك وجبتها وجيت

الام _ تعبتي نفسك والله مجيتك عندي دي فوق راسي

الحما _ حبيبتي ربنا يخليك خلاص انا هقوم امشي بقى ولو عوزتي اي حاجه ابقي تعالي وردي ليا زياره

الام _ رايحه فين مش هتمشي قبل ما ناكل مع بعض

الحما _ ايه اكل ايه ده انا جايه وعلى اخري مش عايزه اقولك ما فيش مكان للقمه تانيه

الام _ والله ابدا تيجي برده ابقي شربي كوبايه سفن بعدها

الحما _ اصل العيال ما يعرفوش ان انا هنا وهيقلقوا عليا جدا معلش خليها مره ثانيه بقى

الام _ تمام ماشي وبعدها مشيت حماتي

والله فيها الخير يمكن حاسس ان بنتي غلبانه وطيبه وقررت تغير من اسلوبها معانا

وبعدها أنا اتصلت بيها

رحاب _ايه يا ام في ايه عماله اتصل بيكي مش بتردي ليه

الام _ مش هتصدقي مين اللي جات عندي حماتك يا بنت لقيتها جايبه ليا صينيه لحمه وجايه

رحاب _ حماتي انا جايبه ليكي صينيه لحمه تعملي بيها ايه الصينيه يا ماما

الام _ بتقول لنا خليتكم تطبخوها ليا علشان عارفه ان انا قاعده لوحدي شكلها طيبه قوي يا

بت

رحاب _ امال ايه اكيد يا حبيبتي تمام ربنا يهدي النفوس يا ماما وبعدها قفلت

يحيي _ في ايه مالك يا رحاب شكلك عامل ليه كده

رحاب _ عارفه انك مش هتصدق الكلام اللي انا بقوله ليك ده تخيل مامتك راحت لماما بصينيه اكل

يحيي _ والله يا رحاب ماما طيبه جدا وغلبانه وبتيجي في كلمتي وفي الوقت ده سمعنا

صويت علي السلم خرجنا جري وكانت

فوقيه وجوزها محسن

فوقيه _ اخص عليك يا محسن يا اما بتسيب فلوس في الدولاب عمرك جيت لقيتها ناقصه من امتى يا اخويا وانا همد ايدي على فلوس

محسن _ ما حدش عايش في الشقه اللي انا وانتي مين اللي اخذ الفلوس

فوقيه _ وانا اعرف يا اخويا احنا كلنا بنسيب مفاتيح شققنا في الباب من بره اضمن منين ان محدش دخل واخذ الفلوس

محسن _ بس اخرسي مش عايزه اسمع صوتك

وخرجنا جري ونزل ابراهيم وسعاد ويحيي

قال

يحيي _ في ايه من امتى محسن وحد فينا بيمد ايده على مراته

محسن _ لما اكون مراته ايديها طويله انا كنت حاطط في الدولاب امبارح 10000 جنيه قدامها جيت النهارده ملقيتهمش

يحيي _ ايه الكلام الفارغ اللي انت بتقول عليه ده ومن امتى بيحصل في بيتنا اصلا

وبعدها طلعت حماتي وقالت

الحما _ في ايه مالكم صوتكم عالي كده ليه من امتى وفي زعيق بيحصل هنا في البيت

محسن _ تعالي شوفي الهانم انا كنت شايل 10000 جنيه في الدولاب جيت ملقيتهمش يا امي اساليها بقى راحوا فين

فوقيه _ قبل ما تسالني شققنا كلها تتفتش ونشوف هنلاقيهم عند حد ولا لا وفي الوقت ده انا بصيت علي سعاد لقيتها اختفت معرفش

راحت فين

الحما _مراتك عندها حق يا محسن عمر ما في حد اتكلم على موضوع فلوس اتاخدت الا اليومين دول الشقق كلها هتتفتش واول شقه شقه يحيى

يحيي _ وهو شقه يحيي اللي مكتوب عليها حرامي يعني ولا ايه يا امي قصدك ايه بكلامك اللي بتقوليه ده

محسن _ اكيد يا امي مش هعمل كده طبعا لا يحيى ماله بالحوار ده هو كان يعرف اصلا دولابي فيه فلوس

رحاب _ بس يا يحيى لو سمحت يا محسن خشي وفتش شقتي انا عارفه ان انا مقصوده بالحوار ده انا

الحما _ انا مقصدتش كده يا حبيبي علشان خاطر مراتك ما تعملش فيها شملوله قوي وتقولك شقتي تتفتش اول شهر انا بتكلم ان انت معاه في نفس الدور، وبعدها دخل وفتش الدولاب

كله وكل مكان

يحيي _ اتاكدي يا ماما ان مراتي عمرها ما تمد ايديها وتاخد حاجه ولا ايه

الحما _ يلا بينا على شقه ابراهيم وبعدها

الكل طلع معادا يحيي ويحيى قالي

يحيي _ حبيبتي انا كنت متاكده ان عمرنا ما هنلاقي حاجه انا عارف ان انتي عمرك ما تمدي ايدك على حاجه

رحاب _خليك معاهم بس يا حبيبي وبعد كده نتكلم روح شوف كده يمكن تلاقي الفلوس

وبعدها طلع ولقيت سعاد داخله ومعاها

الفلوس وبتقولي

سعاد _الفلوس اهي انا لقيتها في دولاب

واخدها وبعدها أنا قومت وقفت وقولت

وفي الوقت ده انا قومت وقفت وقولت

رحاب _ دولاب مين دولابي انا والله ما اخدهم وربنا يعلم مين اللي عمل كده

سعاد_ هيكون مين يعني اكيد فوقيه اللي عملت كده منها لله والله

رحاب _ فوقيه انا مش فاهمه حاجه وهي

فوقيه هتعمل كده ليه مش فاهمه

سعاد _ صبرني يارب المهم احنا لازم نحط

الفلوس دي في دولاب حماتك تحت

الوحيده اللي شقتها مش هيدور فيها

رحاب _ انا مرعوبه والله ومش

عارفه افكر في اي حاجه البيت ده بقي مؤذي

اوي

سعاد _ مش وقت الكلام اللي انت بتقوليه ده انا هنزل اشيل الفلوس تحت وانتي خليكي معاهم لو حسيتي ان هما نازلين انزلي بسرعه

وبلغيني

رحاب _ اكيد حاضر ماشي وبعدها نزلت

وانا طلعت ولقيت تلفوني بيرن

رحاب _ الو ايوه يا ماما مالك فيكي اي اي تعبانه ازاي يعني حاضر حاضر جيالك

يحيي _ اي ده مالك ماما فيها أي شكلك

رحاب _ وديني بسرعه عند ماما بتقول

انها تعبانه، وقربت فوقيه مني وقالت

فوقيه _ بالله ما هيحصل عايزه تخرجي بالفلوس

يا حراميه مش كده انا واثقه انها هي اللي

خدت الفلوس

يحيي _ هترد انت ولا ارد انا يا ابراهيم عجبك

الكلام اللي مراتك بتقولوا ده

رحاب _ تعالي معايا والله وشوفي

امي والله ما اخد حاجه

وفي شقه حماتي كانت سعاد بتحط الفلوس

في الدولاب ودخلت ابتسام

ابتسام _ بتعملي اي عندك وامي راحت

فين يا بت انتي، واول لما سعاد شافت

ابتسام رمت الفلوس من أيدها ووقعت علي الارض وقالت

سعاد _ انا انا والله مش بعمل حاجه خالص

وابتسام قربت منها وقالت

ابتسام _ اه يا حراميه بتسرقي امي دي

ليلتك مش هتعدي انهارده والله وفضلت

تزعق لحد ما الكل نزل واول لما سعاد شافتني

قالت

سعاد _ الحقني يا رحاب

ابتسام _ وهي رحاب شريكتك ولا اي أنا

دخلت الأوضه يا امي لقيت البنت دي. فاتحه

دولابك وشكلها كانت بتسرق منه فلوس

كمان

سعاد _ والله ما حصل وقربت حماتي واخدت

الفلوس وقالت

الحما _ شوف يا محسن دول

فلوسك ولا اي

محسن _ اه يا امي هي فلوسي عليها ختم

الشركه بتاعي

الحما _ معقول انتي الحراميه اللي في بتنا اخس

عليكي ده انا كنت بعملك زي ما بعامل

عيالي، وفي الوقت ده بصت ل ابراهيم جوز

سعاد وقالت

ارمي يمين الطلاق عليها يا واد

ابراهيم _مش لما افهم بالظبط في امي انا عارف سعاد كويس قوي عمرها ما تمد ايديها على حاجه

سعاد _والله العظيم ده كان فخ من فوقيه هي اللي حطت الفلوس الدولاب رحاب وانا حبيت اطلعها من الحوار مش اكتر

رحاب _ فعلا والله كلمت حصل وهي قالت هتنزل الفلوس هنا لحد ما تشوف هنعمل ايه لان مهما كنا قلنا ان احنا لقينا الفلوس مش احنا اللي واخدنا مكانش حد هيصدقنا

الحما _ حلوه اوي اللعبه دي انتو كنتوا متفقين

سوا تاخدو الفلوس وعلشان فتشنا الشقق

عاملين اللعبه دي

رحاب _ بقولك اي أنا خلاص زهقت يا ستي

انا اخد الفلوس وطلقني يا يحيي وبعدها

مشيت وروحت لماما المستشفي

رحاب _ ماما الف سلامه عليكي يا حبيبتي

اي بس اللي حصلك

رحاب _ والله يا بنتي مش عارفه بس من ساعه

ما كلت الاكل اللي حماتك جبته وانا

تعبانه اوي والدكتور عملي غسيل معده

رحاب _ وانتي تكلي حاجه من أيدها بس ليه

يا ماما الحمد لله أن ربنا قومك

بالسلامه يا حبيبتي، وفي الوقت ده

لقيت يحيي داخل

يحيي _ الف مليون سلامه عليكي يا

ماما والله انا كنت عايز اجيلك مع رحاب

بس هي سبقتني

رحاب _ شوف امك عملت اي في امي ماما

عملت غسيل معده بسبب امك

يحيي _ اي كلامك ده انا مش فاهم حاجه

رحاب _ مامتك راحت عندنا وهي واخده اكل لماما وبعد ماما ما اكلته جت هنا على المستشفى وعملوا لها غسيل معده

الام _ بس يا بنتي يمكن الحاجه كانت مكشوفه وهي ما تعرفش معقوله يعني هي هتعمل فيها كده

رحاب _ وتعمل اكتر من كده ارجوك تطلقني يا يحيى

يحيي _ انا زهقت والله مبقتش على لسانك غير كلمه طلقني طلقني انتي طالق يا رحاب

وبعدها مشي

الام _ ليه بس كده يا بنتي جوزك بيحبك والله

ينفع اللي عملتي ده

رحاب _ حياتي كده هتكون احسن يا ماما

وفي شقه سعاد كانت قاعده

وإبراهيم دخل وقالها

ابراهيم _ لو سمحت يا سعاد انا مش عايز يكون ليكي علاقه باللي اسمها رايحه بدي انا مش عايز مشاكل مع ماما

سعاد _ حرام عليكم انتم كلكم بتيجوا عليه علشان غلبانه وملهاش حد يوقفلها

ابراهيم _ لا علشان عملت مشاكل ليكي تقدري تقوليلي هي ليه ما اخذتش هي الفلوس ونزلت شقه ماما تشيلها لو زي ما بتقولوا

انكم لقيتوا الفلوس في دولبها وهي مكنتش

تعرف عنهم حاجه

سعاد _ انا واثقه ان اللي عملت كده فوقيه وهي ما تعملش كده هتاخد فلوس ليه يا ابراهيم

ابراهيم _ ارجوكي يا سعاد تسمعي كلامي ملكيش دعوه بيها

سعاد _ حاضر هعملك اللي انت عايزو

وفي شقه حماتي كانت قاعده مع مريم

الحما _ اكيد ربنا هيسترها انا مكنتش عارفه ان هيحصل كل ده والله

مريم _ تفتكري يا ماما اللي حصلتها قدام الكيس اللحمه حرام عليكي قولتلك بلاش ما سمعتيش كلامي

الحما _ وانا كنت اعرف منين بس انه هيحصل كده انا قولت لو غسلتها كويس وتبلتها وعملتها بالتوابل مش هيحصل فيها كده، ودخل

يحيي وقال

يحيي _ معقول يا ماما انت السبب ده انا مصدقتش احب لما قالت الكلام ده ازاي تعملي كده

الحما _انا غلطانه يا ابني واوعدك والله هتغير

بس بالله عليك تطمني على حماتك هي عامله ايه دلوقتي

يحيي _ خايفه عليها ولا خايفه على نفسك لا يحصلك حاجه

الحما_اوعدك اني عامل مراتك كويس من هنا ورايح بس طمني حماتك

يحيي _ اطمني عملت غسيل معده وبقت كويسه بس انا طلقت رحاب خلاص

مش ده اللي كنتي عايزه ارتاحي بقي

وبعدها طلع الشقه

مريم _ رحاب كانت كويسه والله كنت عامله زي ما احنا ما بنعاملك بالضبط مكانش ينفع تعملي معاها كده

الحما _ مش وقت كلامك ده بقى يا مريم فكري معايا هنحل المشكله دي ازاي

وفي شقه محسن كانت فوقيه قاعده

وتكلم امها في التلفون

فوقيه _ اسكتي ياما اول ما فتحوا الدولاب وما لقيتش الفلوس قولت بس البنت شافتها وخدتها وخوفت اوي

الام _ والله لو كانت خدتهم كنت تستاهلي اكتر من كده علشان تحرمي اللي بتعملي ده

فوقيه _ كل حاجه كانت ماشيه تمام

لحد ما الزفته اللي اسمها سعاد دي دخلت

واخدتت الفلوس

الام _ اسمعي يا فوقيه انا مش حمل انك

تطلقي وتيجي تعيشي عندي يا بنتي انا ماشيه

بالعافيه ياختي

فوقيه _ الموضوع عدا علي خير يا ماما الحمد لله

مش عايزكي تشيلي هم محسن بيحبني

اوي وعمره ما هيقدر يعيش من غيري

وفي الوقت ده دخل محسن

محسن _ كان زمان ياختي انتي عملتي

كل ده اخر يوم ليكي في البيت ده انهارده

والله، اول لما شافت جوزها محسن رمت

التلفون وقالت

فوقيه _ اي ده محسن ارجوك اسمعني بس

هقولك اي والله انت فاهم الحوار غلط

محسن _ كنت عارف انك مؤذيه بس مش

تخيلت انك بالاذي ده مش انتي كنتي

عايزه رحاب تطلق روحي وانتي طالق

فوقيه _ يا مسبطتي يا لهوتي اوعي

والنبي تعمل فيا كده هروح فين دي

امي اصلا مش لاقيه تاكل هروح اعيش معاها

ازاي،ودخلت حماتي وقالت

الحما _امك مش لاقيه تاكل امال كنت بترسمي علينا ليه ان امك عندها اطيان واملاك كنت بتجيبي الحاجات دي منين يا بنت

فوقيه _ والنبي يا حماتي خلي محسن يرجعني وانا اسفه عن اي حاجه عملتها بس انا خوفت ان انتم تبقى مهتمين برحاب اكتر مني

الحما_ امشي اطلعي بره انتي اللي كنت على طول بتسخنيني عليها مش عايزه اشوف وشك هنا

فوقيه _هروح فين بس ده امي مش ترضى تدخلني البيت

الحما _ روحي مطرح ما تروحي ما لناش دعوه

وبعدها مشيت وانا كنت قاعده ولقيت

ماما بتقولي

الام _ مكانش ليه لازمه خالص ان انتي عملتيه مع جوزك ده انا عارفه ان انتؤ بتحبيه يا بنتي

رحاب _ انا غلطت يا ماما لما اتجوزته ما كانش ينفع ابص لحد اغني مني

الام _ يا حبيبتي الحب مفيهوش غني ولا فقير المشكله ان حماتك هي اللي غلط العيب مش فيكي انتي

رحاب _ اللي حصل حصل خلاص انا عمري ما هرجعله تاني وفي الوقت ده الباب خبط

وفتحت وكانت حماتي وبنتها مريم

الحما _اخص عليك يا رحاب ده انا طول عمري بقول ان بيتكم بيت كرم معقوله فاتحه الباب وساكته كده

مريم _ ما هي برده يا ماما مش هتقولك اتفضلي في بيتنا مش ده بيتنا برده ولا ايه يا رحاب

وفي الوقت ده قامت ماما وقالت

الام _طبعا يا حبيبتي بيتكم تعالي اتفضلي اتفضلي يا ست ام يحيى

وبعدها دخلت

الحما _ معقوله انتي بتقابليني بالمقابله دي بعد اللي عملته فيكي والله العظيم انت طلعتي احسن مني بكثير

رحاب _ يعني انتي عارفه انك عملتي في ماما كده ازاي يجيلك قلب تعملي كده دي حاجه طالعه لله

الحما _ والله يا بنتي ما كنت عارفه ان كل ده هيحصل بس كويس ان حصل كده علشان افوق من غيبوبه اللي كنت فيها

مريم _ ماما جايه ليكي هنا علشان تعتذر لك يا رحاب على اللي هي عملته وكمان عايزاكف ترجعي البيت وهي من هنا ورايح مش هيكون ليها دعوه بيكي

رحاب _ مبقاش ينفع خالص يا مريم ارجوكي

انا خلاص ارتحت كده

الحما _ بس انا مش هكون مرتاحه ارجوكي

يا بنتي ترجعي ل يحيى هو بيحبك

وعايزك ولو عايزه تخدي

شقه برا معنديش مشكله والله

الام _ لا طبعا مش هتسيب بيتك بس كل

اللي عايزه منك تعمليها زي بنتك ترضي

ان حد يعمل في بنتك كده وبعدين الفقر

والغني ده مش ب ادينا والله

الحما _ عندك حق يسلم لسانك يا ست الناس

والله كفايه أن نسبت واحده زيك لا عمرك سخنتي بنتك علي ابنك ولا عمرك اتعملتي

معايا زي ما بتعامل معاكم

مريم _خلاص لا مش عايزين كلام في مشاكل يلا بينا يا رحاب وانتي يا طنط تعالي النهارده هتتغدي عندنا

الام _ ومالو بس الاكل عندي أنا هعمل الاكل

واجيبه واجي ليكم وبعدها روحت

البيت وروجعت الشقه لقيت يحيي قاعد زعلان

رحاب _ ازيك يا يحيى عامل ايه وهو أول

لما شافني قام وقف

يحيي _ معقوله انتي هنا يا رحاب انا مش قادره اصدق نفسي والله حقك عليا يا ست الكل

رحاب _ انا اللي غلطانه كان لازم احكم عليه شويه ومش كل حاجه اقولك طلقني

وبعدها دخلت حماتي

الحما _ طول عمرك بنت حلال واوعدك من

هنا ورايح يا بت الناس هشيلك فوق دماغي

والله

يحيي _ انا مش قادر اصدق اني بسمع الكلام ده منك انتي يا امي معقول

رحاب _هو انت ما تعرفش ان انا رجعت هنا علشان خاطر ماما ولا ايه هي جت البيت واخذتني

يحيي _ معقول ربنا يخليكي لينا يا امي

الام _ويخليكم ليا مكانش هينفع اسمع الكلام فوقيه في كل حاجه والغي دماغي انا حقكم عليا يا ولاد ومن يومها كل واحد بقي عايش

في حالو بننزل عند حماتي بس مش كل يوم

وعشنا حياه مرتاحه فوقيه بقي أجرت

اوضه وعاشت فيها لان امها منعتها

تدخل بيتها تاني

بكده تكون خلصت قصتنا وانتظرونا في قصه جديده