فطار ملوكي
فطار ملوكي
محتاجه اراء الرجاله والستات المتجوزين اووى
انا متجوزة بقالى 10 شهور انا هخش فى التفاصيل على طول… جوزى مهندس بترول وواخدين شق على النيل ودور عالى والحمد لله… المشكلة فين بقى ؟
جوزى بيعمل حجات غريبة جدا وبستغرب وبقول ده مثلا ( عبط ولا تخلف وبضايق من الحركات دي) فى اول صباحية لينا لقيته قام وراح عمل الفطار وفطار زى ما بيقولوا ملوكى عصير وسندوتشات وكده وجابوا لحد الاوضة المهم فضل يرخم عليا
شوية علشان اصحى فى زعقت فى وشه بصراحه
ايه ده اللى من اول يوم يعملو بيجبلي الفطار فى ف قالى خلاص حقك عليا وخد الفطار وحطه فى المطبخ ولبس ونزل راح
الشغل ورزع الباب ف الصراحة انا مهتمتش ونمت علشان تعبانة جدا المهم بعد كام يوم لاقيته دخل بليل وجاب حجات كتير وفاكهة وكده قوتلها اية كل ده انت هتودع ولا اية قولتها وانا بضحك … بصلى كده وقالى حاجه غريبه …
بصلى كده وقالى اي
هو اى حد بيجيب حجات كتير يبقى هيمو.ت.. انتى عبيطة ؟
قوتله مش عبيطة ولا متخلفة بس مش بالكمية ديه.. قالى انتى مالك متكليش منه وشدينا شوية وهو نام على كنبه وانا فى الاوضة بس
و بعد كام يوم كمان كنت عاملة غدا وكده ف حطيتله الاكل وبعد كده استغرب من الطعم قالى كذا وكذا فا خلى بالك منها هتبقى احلى … الصراحة ان اكلى مش عجبه قولتله متاكلش منه وفضل يرخم عليا وقالى هكله خلص وحط الطبق وراح يغسل الطبق بتاعه …..و روحت عند اهلى …
لما رجع من الشغل كلمنى وقالى انت فين … قولتله عند اهلى لما تتعدل فى الكلام ابقى قولى …. قالى ده انا برده وازاى تخرجى من غير ما تقولى نطلق احسن وكل واحد يروح لى حاله..
انا عايزه حد يفدنى ويقولى اعمل اية بجد علشان تعبت اوى
قولولنا رايكم في التعليقات
