الف مبروك انتى حامل يعني هيبقى عندي طفل ألعب بيه

الف مبروك انتى حامل يعني هيبقى عندي طفل ألعب بيه

_ ألف مبارك حضرتِك حامل

= بجد !! الحمدلله الحمدلله يا رب يعني هيبقى عندي طفل ألعب بيه

_ تلعبي بيه !!!

= أيوة و....ثم تذكرت شيئًا وقالت إيه دا بس أنا مش متجوزة

_ نعم !!!!

ثم جاء رجل وزوجته وقال

* املاح ايه يا دكتور إللي عند مراتي، مراتي جايه تعمل تحليل حمل

جاء طبيب آخر ويدعي مصطفى

قال آسف يبقى التحاليل اتلغبطت

واعطى كل منهما حاجته

كادت أميرة أن تموت خجلًا

فقال لها الطبيب يونس

_ تمنعي الموالح وتخدي العلاج دا وبإذن الله تكوني بخير

أخذت أميرة الروشته وذهبت مسرعه

إلى المنزل ثم أدت فرضها وأخذت تسبح فـ وجدت أحدهم يطرق على الباب وكانت صديقتها مريم

# ميرو حبيبتي عامله ايه

= الحمدلله يا مريوم ادخلى

دخلتا الغرفة فقالت مريم

# وشك مش عاجبي إيه إللي حصل يا بت

وحكت لها أميرة ما حدث لها بالمشفي

# يا نهار ابيض إزاي دا

قالت أميرة بهيام

= شوفته اتلغبطت يا مريم مكنتش مجمعه خالص، اتخيلت أنه زوجي وأن هيبقا عندنا طفل

# وأنتِ كنت راحه وقصده إنك تشوفيه

= لا والله أنا كنت راحه لدكتورة نورهان بس غابت ولقيته هو

# ولسه بتفتحي الاكونت بتاعه ومتبعاه؟!

قالت أميرة بإحراج

= احم أيوة