جوزي قالي انه مسافر أسبوع شغل وانه ضروري ومينفعش يتأجل
جوزي قالي انه مسافر أسبوع شغل وانه ضروري ومينفعش يتأجل بس عشان مزعلش هنخرج نسهر قبل م يسافر ونزلت انا وهو والعيال روحنا مطعم شيك وعزمني ع العشا، دخل الحمام وساب التليفون مع باسم ابني بيلعب بيه وجاتله مسچ من رانيا زميلته ف الشغل كتباله انا جهزت الشنطه واستلمت التذاكر من شركه الحجز ابقي كلمني بحبك
اتنرفزت واتعصبت ومبقتش طايقه نفسي وكنت هقوم اديله بالشبشب اول م يجي بس سكت، بقلب ف الواتس لاقيت عنوان الشاليه اللي حاجزينه من شات الراجل صاحب المكان واديت التليفون لابني وسكت جينا مروحين قولتله انا هروح ابات عند ماما بقي وانت سافر الصبح
ولما ترجع هبقي ارجع البيت، قالي ماشي يا حببتي
أخدت العيال وحجزت ركبت سوبر جيت وطلعت ع الساحل ف العنوان بتاع الشاليه واخدت من الراجل المفتاح ووريته بطاقتي مكتوب فيها اسم جوزي اللي حجز معاه، الساعة 9 الصبح بيفتح الشاليه لاقاني جوا انا والعيال وطالبين اكله سمك ب 900 ج والبت كانت معاه صوتت وجريت لانها عرفاني وهو فضل متسمر مكانه كده قام ابني الصغير بيقوله تاخد جمبري يا بابا! متكلمتش ولا جبت سيره حاجه واخدت العيال ودلوقتي قاعدين ع البحر ‘ هو لسه جوا مصدوم
انا لما الاسبوع يخلص هروح علي بيت اهلي، بس مش هشرشح واتخانق قدام الناس انا + استمتع بفلوس جوزي اللي كانت هتتصرف علي واحده شم@ال قبل م اغضب واروح بيت اهلي ولا ايه ؟ وكمان العيال تفرح
اي رايكم انا كده عملت الصح
مستنيه رايكم في كومنتات
