قصة شرايط العهد

الدكتور ولما قعدنا سوى جاهدت اكتر عشان أظهر كشخص طبيعي وقت ما كان الصوت دا بيحاول بكل عزم يشتت افكاري

فقلت للدكتور بعد ما اطمن عليا وعلى اقامتي

_لو انا بفترض حكايات وبألفها، هعرف منين ان البنت ليها مرات أب وهي من بلد غير بلدي وماعرفهاش قبل كدة،،ومن قبل ما تظهر الحقيقة دي..

فابتسم ابتسامة باردة

=حكايات اضطهاد البنات في السينما والروايات مقرونة دايما بمرات الأب وطبيعي مع خبرة عقلك في تأليف حكايات الأشباح تفترض انها كانت مضطهدة من مرات اب وهي اللي اتسببت في قټلها وعادي جدا انك تفترض ان ابوها غايب،، كانت فرضية موفقة يعني

وقتها ظهر الصوت من ورايا

....على فكرة ابرار زمانها مبسوطة اوي بحبستك دي

لكن اتمالكت نفسي ومالتفتش ورايا على الرغم من إنه قطع حبل افكاري وفضلت ثواني استجمع نفسي تاني لما سألت الدكتور

_طب ابوها قال إنها كانت محپوسه في أوضة فوق السطوح؟؟

=ماعرفش

_طب اكيد حضرتك بينك وبين النيابة تواصل، ممكن تخليهم يحققوا مع أبوها وامها والبحث الجنائي يدور في الأوضة اللي فوق السطوح

=شكلك هتحتاج فترة علاج اطول

_ماعنديش مشكلة

=يا ابراهيم المتهم اتمسك خلاص وناس شهدت عليه،، وناس شهدت ان البنت اتكرر هروبها وانها كانت بتعاني من اضطرابات نفسية

.....أيوه يا ابراهيم، المتهم هيعدموه وانت هتفضل هنا محپوس طول العمر

المرة دي الټفت ورايا لما سمعت الصوت فالدكتور ابتسم لكن كملت كلامي

_المتهم دا ممكن يكون حد رمى السلسلة في طريقة مثلا أو قدام بيته أو حد عطهاله بعد الججث0ة نفسها ما اتكشفت ودا عشان هو اللي يلبسها،، او يكون حتى لاقاها بالصدفة أو وصلته بأي طريقة

اما شهادات الشهود فمع حالة التعاطف مع البنت وكونه مسجل خطړ ناس كتير ممكن تشهد انها سمعت آهات البنت وهو بيغتصبها

مع ان ممكن كان في توكتوك مع اي واحده في الدنيا ولو جابوا الواحدة دي وشهدت انها اللي كانت معاه ماحدش هيصدقها عشان القضية تتقفل

=طب والشرايط اللي بتقول عنها انها سحر فراعنه وانها بتلبسك لما ټلمسها وقت الحلول وبعدها تختفي وتتمس بخادم التعاويذ اللي عليها

_مالها

=انت مصدق الكلام ده

_مصدقه جدا

....ايوه عندك حق في دي

فبصلي الدكتور باستغراب

=امال ظهرت تاني ليه ؟؟

_شوف الشرايط بعد ما ظهرت وانت تعرف

=ازاي؟

_رشاد زارني من يومين بالظبط

.....رشاد دا اللي هيضيعك اسمع كلامي

=ودا معناه ايه؟

_الكلام دا هيفضل سر بيني وبينك

=موافق

....وانا تالتكم

_رشاد هو اللي راح جاب شرايط كتان وكتب عليها تعاويذ وارقام وحروف وراح بعدها غمزها في ميه لمدة تلات ايام وبعدها حطها في حفره لمدة يوم وبعد كدة اخدها سلمها للنيابة...

ساعتها كان الدكتور مبرق عينيه من الصدمة لكن انا كملت كلامي

_سيبك من المس والشرايط وكل دا، انا عارف انك عمرك ماهتعترف بيه وانا غالبا هخد افراج من النيابة بعد ظهور الشرايط وبتقريرك اني مصاپ بانفصام بعد فترة علاج ايا كانت،، هخرج من هنا،، لكن كل اللي انا طالبه منك انك تحاول بأي شكل ترتضيه إنك توصل للنيابة بعض المعلومات عن كون البنت كانت محپوسة في أوضه فوق السطوح وإن أمها هي اللي جابت دجال على اساس يعالجها فطمع فيها لما لقاها بنت مليحة وقال دي بنت مجنونه واغتصبها،، ولو ضغطوا على امها بالحقايق دي هتعترف لوحدها،، ممكن تقول توارد خواطر تقول حلم،،، ماتقولش اي حاجه من دي،، لكن الحكاية كده ماشية غلط