قصه قصيره كامله
انت في الصفحة 4 من 4 صفحات
معايا حق
_ااه شفت انك عيله فعلآ وهبله زاي ما كنت فاكر كل اللي قولتي ده حصل بس يومها صحبتي دي رنت عليا قالت تعبانه ومحدش معاها يوديها ل دكتور ومتعرفش حد في مصر غيري وروحت بس كانت كويسه فضلنا نتكلم شويه بعدين شربت قهوه وصدقيني معرفش ازاي بس صحيت لقيت الوقت متأخر ونايم عندها
_ده معناه اي
_معناه انها عملت كدا قصد يا روز معناه انها حطت حاجه في القهوه معناه انها بتحبني وانا رفضت حبها معناه اني حكتلها عليكي وحبت تفرقنا وعرفت تعمل كدا فعلآ
_يوسف انااا
_انتي متسرعه وغبيه زاي ما سمعتي منها اسمعي مني اتأكدي مني قوليلي حصل كذا وكذا بلاها كنتي خدي رأي سالي كان هيعدي شهر اتنين وكانت هتقولي مش سنتين وانا معرفش انا عملت اي
_عشان مفيش ثقه عشان لو كان فيه ثقه ولو واحد في الميه مكنش ده حصل عشان معرفتيش تحطي ليا مبرر عشان قاسيه وفضلتي سنتين بعيد مش عايزه تقولي السبب
_يوسف اااا انا
_ولا كلمه يا روز الكلام خلص دلوقتي انا همشي وانتي اتفضلي معايا هوصلك
ركبت معاه العربيه وانا معيطه مقولتش ليه على الرسالة ساعاتها ليه كنت غبيه كدا
وصلني ومصعبش عليه دموعي..
كنت كل يوم بلوم نفسي واعاتبها على اللي حصل
عدا شهرين وهو رافض اننا نرجع حاولت كتير والله حاولت لحد ما ضهري اتكسر كفايه كدا ..
جيه يوم السفر وكلهم كانو موجودين عشان يودعوني معاده هو معقوله مش عايز يشوف بنته اللي هتسافر في بلد غريبه لوحدها مش هيجي يقولي لاء مفيش سفر انتي لسه صغيره
هو اللي طلع قاسې وقلبه من حجر مش انا
ودعتهم كلهم وركبت الطياره وانا دموعي منشفتش من خدي كل حاجه ضاعت او كل حاجه راحت
قطع عياطي صوته
_قعديني جنب الشباك لو سمحتي
_يوسف!!
_ااه يوسف يقلب يوسف
_انت بتعمل اي هنا
_وانتي كنتي فاكره اننا هنسيبك تسافري لوحدك ولا اي معندناش بنات تبات برا البيت هنخليهم يسافروا كمان
_مبروك ل حضرتكم اتفضلو دي حاجه بسيطه من ترحيب الطياره بمناسبة انكم عروسين
قالتها ومشيت
_مش فاهمه حاجه اي اللي بيحصل
_الحكايه ومافيها اننا مسافرين سنه عسل
_ازاي مش نتجوز الاول
_ماحنا متجوزين
_ازاي
_من يومين كدا مضيتي على ورق ل عمك كان ورق جوازنا
_ياعني انت عريسي وانا عروستك
ضحك ومدى إيده مسح دموعي
_ااه يا حبيبي ولما نوصل هنجدد الجواز ب فرح وكتب كتاب تاني وفستان ابيض زاي ما طول عمري نفسي اشوفك بيه
_سمحاتني يا يوسف
_سمحاتك يا قلب يوسف انتي مكانك هنا في قلب يوسف وعقل يوسف انتي بنتي اللي ربيتها على إيدي يا روز من قبل ما اكون اب
_بحبك..
_بموت فيكي يا اغلى ما أمتلك
تمت..
