قصه وعبره لكل فتاه
داليا: ازيك يا سمر
سمر: الحمد لله تمام انتي عاملة ايه
داليا: الف مبروك ربنا يتمملك بخير
سمر: الله يبارك فيكي يا قمر عقبالك
داليا في نفسها معقول دا نفس صوت سلمي وضحكتها
جه محمد وروحنا جبنا الفستان ومحمد جاب اللبس بتاعه وخلصنا وروحنا البيت وقررت انا لازم اروح عند أهل سلمي الحقيقين واكتشف الحقيقة قولت لمحمد انا رايحة عند صحبتي اجيب منها المحاضرات قالي ماشي بس متتأخريش
نزلت وانا بحاول افتكر عنوانهم اتصلت بندي صحبتي وهي قالتلي علي العنوان سألتني عن السبب قولتلها هبقي اقولك بعدين
داليا: مش هنا ساكن الاستاذ احمد يوسف
البواب: انتي مين وليه بتسألي عليه
قولتله انا داليا صديقة سلمي بنته
لاحظت عليه علامات القلق والارتباك اول ما جبت سيرة سلمي سكت شوية وقالي
دخلت العمارة لقيت البواب سألته
لو سمحت فين شقة الاستاذ أحمد يوسف
البواب: انتي مين وبتسألي عليه ليه
لاحظت عليه علامات التوتر والارتباك اول ما ذكرت اسم سلمي وقالي سلمي مين حضرتك الاستاذ معندوش بنات اصلا
قولتله ازاي الكلام ده انت كداب انا لازم اقابل الاستاذ احمد ضروري قالي انه عزل من هنا بقاله حوالي سنتين قولتله طيب ممكن اعرف عنوانه الجديد لو سمحت الموضوع مهم اتهرب منى ومااستفدتش اي حاجة مشيت من هناك وانا تايهة ومش عارفة اي حاجة ياتري ايه اللي بيحصلي ده
بفكر ازاي واحدة تموت وترجع علي الحياه تاني ماتت قدام عيني في حادثة عربية انا شوفتها قدامي ازاي رجعت علي الحياة مرة تانية وكمان بااسم سمر نفس الوجه نفس لون البشرة ونفس الصوت هي سلمي ونفس الوحمة اللي في ايديها طيب ازاي واللي هيجنني انها بتتصرف معايا كأني واحدة غريبة واحنا كنا اعز أصحاب في المدرسه فضلت افكر فيها قطع شرودي صوت موبايلي بيرن دا اكيد محمد طلعت موبايلي من الشنطة لقيت رقم غريب ياتري مين رديت
داليا: الو مين معايا
سمر: ازيك ياداليا انا سمر
داليا: اهلا حبيبتي عاملة ايه
سمر: الحمد لله تمام بقولك انتي معزومة علي العشاء انتي ومحمد عندنا انا اخدت رقمك من محمد وقولت لازم اعزمك بنفسي
داليا: شكرا ياقمر ان شاء الله هاجي مع محمد
سمر: تنوري حبيبتي مع السلامة
داليا: الله يسلمك باي حبيبتي
قفلت معايا وبعدها روحت البيت. لقيت محمد قاعد جه قالي داليا انتي اتأخرتي كدا ليه فينك قولتله اصل انا كنت عند مريم صحبتي بجيب منها المحاضرات اللي نقصاني
