رواية مقيدة بماضيه
_وانت عرفت منين
_شوفتها النهارده في المستشفى،لا بتتكلم ولا بتتحرك ولا بتعمل اي حاجه
راوي بقلق
_طب وانت هتعمل ايه ياوليد، ظهور نور في حياتك من تاني هيدمر جوازك
انت مستعد تخسر هدى
فكر شويه وتخيل حياته من غير هدى وهز دماغه بنفي
_انا قولتهالك قبل كده ياراوي وهقولهالك تاني
هدى الحاجه الوحيده الصح في حياتي
بسببها انا اتغيرت اوي وبقيت احسن من الاول بكتير
اتدخل كريم بجدية
_يبقى فكك منها بقا وكأنها لسه ميته وكمل في حياتك وبلاش تخربها
_طب وهموت ضميري ازاي وانا عارف انها كل يوم بتتعذب نفسيًا بسبب غلطه طايشه انا عملتها زمان
وحاليًا بقيت واقع في حيرة مابين هدى اللي مش هقدر استغنى عنها
ومبين نور اللي متأكد اني انا الوحيد اللي قادر يخرجها من اللي هي فيه زي ما كنت السبب
بصوله بحيره ومحدش فيهم قدر يرد عليه
قام وقف ولم حاجته من على الترابيزه ومشى من قدامهم
رجع البيت ودور بعنيه على هدى لقاها في اوضتها بتلم هدومها بصمت وهدوء
بصلها بإستغراب وقرب ناحيتها بتساؤل
_انتِ بتعملي ايه
رديت بجمود
_بصلح الغلط اللي عملته ياوليد
_غلط ايه
_اني اتجوزتك
كلامها وجعه جدا واتكلم بغضب
_مع اول مشكله تقابلنا عايزه تنهي علاقتنا ياهدى
_علاقتنا دي انت اللي نهيتها لما كدبت عليا في الاول خالص لما سألت إذا كنت أذيت بنت قبل كده وقولتلي لأ
بص في الارض وفهم انه مبقاش ينفع يخبي ماضيه اكتر من كده
رجع تاني بصلها بضيق وكره لنفسه لأنه السبب في حزنها ده وانه بدل ما يبقوا في شهر عسل دلوقت ويخليها اسعد انسانه في الدنيا جرحها وكسر قلبها
قرب منها ومسك وشها بإيده واتكلم بصدق وجدية
_قبل اي حاجه اقولها انا عايزك تعرفي اني معرفتش طعم السعادة غير بوجودك في حياتي ياهدى وده مش مجرد كلام وخلاص
وهصارحك دلوقت بكل حاجه وليكي حرية الاختيار انك تكملي معايا ولا لأ
_اتكلم ياوليد
_الكلام اللي وصلك صح…انا السبب في اللي حصل لنور
_يعني انت…انت اغتصب.تها
وليد اعترف لمراته أنه اغت.صب نور
وكمل كلامه بحزن وندم
_انا مش عارف عملت كده ازاي ومش قادر افتكر حاجه
_ليه مقولتليش قبل منتجوز، ليه عملت فيا كده!
_علشان خوفت اخسرك ياهدى
انا بحبك وعمري ماحبيت حد غيرك
هدى ببكاء وقهر
_بتحبني!
انت لو كنت بتحبني مكنتش اعترفت امبارح لواحده تانيه بحبك
مكنتش فهمتني قبل الجواز انك متدين وقريب من ربنا وانت شيطان ياوليد
انا بقيت بكرهك وبقرف منك
انت اللي زيك المفروض مكانه السجن
انا همشي من هنا وهشكر ربنا كل يوم انه عرفني حقيقتك قبل ما اتورط معاك اكتر من كده
بعد ما قالت كلامها اللي دبح.ه وكسر قلبه مسكت شنطتها ومشيت من قدامه
محاولش يمنعها وقعد بإستسلام وحزن وهو بيفتكر تفاصيل اليوم اللي دمر حياته ووصله للي هو فيه دلوقت
Flash back
كريم ووليد ونهى وراوي ونور كانوا ساهرنين مع بعض في بيت وليد بعد ما والدته سافرت لأختها وكانوا بيذاكروا علشان الامتحان
اتكلمت نهى بتعب
_جماعه انا مش قادرة اكتب حرف زيادة خلاص مخي اتقفل
انا عايزة اروح
نور بسخرية
_يبنتي بطلي دلع واتقي الله وذاكري كويس بدل ما تشيلي مواد
دي آخر سنة في الكلية خلينا نتخرج بسلام
_لأ بجد خلاص مش قادرة انا همشي سلام
قام راوي وقف واتكلم بجدية
_استني هوصلك
مشوا مع بعض واتبقى كريم ونور ووليد
_هي ميرال اتأخرت ليه
_مش عارفه والله ياكريم هي قالت هتشتري هدوم مع صاحبتها وهتجيلنا
حس وليد بصداع في دماغه من المذاكرة ووجه كلامه لكريم بتساؤل
_متجيب حباية من البرشام اللي عطيتهولي قبل كده واحنا بذاكر المادة اللي فاتت
عطاله من الشريط وبعدها اتكلم بتعب
_جماعه هعمل حاجه نشربها انا كمان صدعت
وافقوا وعمل كريم المشروبات ورجعلهم تاني
تليفونه رن ولقاها والدته اللي كانت ساكنه في الشارع اللي جنبهم
_جماعه امي عايزاني ثواني وجاي
مشى كريم من قدامهم وبعدها بشويه اتكلمت نور
_وليد انا همشي انا كمان لأن ميرال اتأخرت وشكلها مش هتيجي
بصلها وليد بنظرات غامضة واتكلم بنبرة غريبه اول مره تسمعها منه
_تمشي تروحي فين بس متخليكي معايا وانا هبسطك
بصتله بإستغراب وقلق وقامت وهي بتمسك شنطتها وبتتجه ناحية الباب
_سلام ياوليد شكل المذاكرة الكتير لحست عقلك
