___ في احدي المناطق الشعبيه، رزع وخبط ع الباب، هيام قامت بسرعه وفتحته

بعد اسبوع

في شقه سميره

هيام مش پټڼlم lللېل، طول الوقت بتتكلم فالفون مع عامر، بتحكيلوا عن ظروفها واللى حصلها من اول ما اتولدت لحد ما عرفته

عامر: هيام، نفسى اشوفك بره، عاوز اقابلك

هيام: تقابلنى ليه

عامر: لا بقى انتى بتستعبطي، انا بحبك وانتى عارفه كده، اقسم بالله من اول يوم شوفتك فيه وانا حبيتك وقلبي دق من ناحيتك

هيام باحراج: بتحبنى انا

عامر: اه بحبك ومحبتش حد غيرك

هيام: بس انا وانت لسه كتير اوى ع حكايه الحب دي، انا وانت بنتكلم مع بعض من اسبوع بس، معقول يحصل حب ما بينا فالوقت القليل ده

عامر: طيب انا هسألك سؤال وغلاوه أغلى حاجه عندك وغلاوه مالك💔

هيام عيطت

عامر: وغلاوه مالك، اصل بصراحه لما انتى حكيتيلى عنه، عرفت انه أغلى حاجه عندك، انتى بتحبينى ولا لأ، بس قبل ما تجاوبى، اسألى قلبك

هيام: اه بحبببب، وسكتتتتتتتت

عامر: كمليها

(في الوقت ده كانت خطيبته رنا بتتصل بيه، وهو طبعا مشغول مع هيام لا بيكلمها ولا حتى بيسأل عليها، طول الوقت تليفونه انتظار فقررت انها تعرف هو مشغول بايه ومع مين وطبعا قررت تراقبه)

هيام، بحبك بس انا منفعكش صدقنى

عامر: ليه يعنى، بصى انا عاوز اشوفك واعرف منك مش هتنفعينى ليه

هيام: خلاص، انا پکړھ كنت هروح للمحامى علشان اشوف اخبار lلقضېھ، وممكن اشوفك بس مش كتير، علشان مش عاوزه اتأخر

عامر: بجد هشوفك، خلاص، كلمينى قبل ما تنزلي علشان اجهز

هيام: حاضر

عامر: بحبك

هيام: وانا كمان بحبك وقفلت معاه، كانت مبسوطه جدا بس مكانش فيه غير حاجه واحده هي مضايقاها وهي الحاجه الوحيده اللى محكتش عليها لعامر………

تانى يوم هيام اتصلت بيه وقالت إنها نازله وطبعا هو كان مستنى انه يشوفها، اتفق معاها انه هيستناها في كافيه لحد ما تخلص عند المحامى

__ هيام راحت للمحامى وعرفت منه أن صابر بعد الكشف عليه اتحول ع مستشفى lلأمړlض النفسيه والعقليه وانه مفيش لا خبر عن الفلوس ولا حتى مالك وقالها انه لما سأل وكيل النيابه عن تليفونه يمكن يعرف منه اى معلومات، عرف منه ان التليفون كان ممسوح من عليه كل حاجة ومن غير أرقام، مكانش عليه غير رقم سلوى بسسس وطبعا لو حد اتصل كان هيعرف، وبالنسبه لسلوى خرجت واعتبروها شاهد مالك فlلقضېھ وطبعا بعد ما قامت بالابلاغ عن صابر بعد ما عرفت انه قټ.ل مراته وحماته واعترفت ع كل اللى تعرفه عنه…

في نفس الوقت نانى ع ايدها مالك وبتسأل عند منزل صابر، وكانت عاوزه تعرف اى خبر عنه ولما سألت عرفت كل حاجة وان صابر اتمسك، فى اللحظه دي البواب شافها وهى مرتبكه وباين عليها lلقلق وقرب منها وسألها بتسأل ع صابر ليه، بس هى كانت مرتبكه ولما الناس اتلمت حواليهم ونزل لطفى المحامى قال للبواب

انت عاوز منها اي، سيبها تمشى

نانى: اه ونبى انا ڠلپlڼھ سبنى أمشى

البواب: مقدرش ي استاذ لطفى، حسام بيه قالى لو حد سأل ع صابر أبلغه وكمان لو عرفت حاجة عن ابنه والبت دى بتسأل وع ايدها عيل واتصل بالظابط حسام وقالوا اللى حصل وطلب منه انه ياخدها ويسلمها هى والولد فالقسم

نانى بقت تص’رخ: انا مظلۏمھ، هقولكم ع كل حاجه بس سبونى بلاش بوليس ونبى